К святому Кириллу обращаются со всякими просьбами – о получении помощи в учебе, об исцелении, о даровании мудрости, о ходатайстве пред Господом о прощении грехов.
27 февраля молитва, которая читается перед ликом святого, обладает особой силой.
О чем молятся Святому Кириллу?
Святой является сильным покровителем в первую очередь мужчин и мальчиков, которые носят имя Кирилл. Они могут обращаться к Святому с любой просьбой или жизненной проблемой. Также любой может обратиться за помощью к святому.
В молитве к святому обращаются прося помощи в получении знаний, перед экзаменами. В получении высших степеней и все, что связано с учебой и усвоением новых знаний
Молятся прося даровать мудрость, удачу в делах
Просят об исцелении различного рода недугов
Икона и молитва перед ней защищает дот от бед и несчастий
Также в молитве просят Святого Кирилла отмолить грехи перед Господом
Молитва помогает победить страхи и сомнения перед началом какого либо дела.
Молитва равноапостольным Кириллу и Мефодию
О преславнии язык словенских учителие и просветителие, святии равноапостольнии Кирилле и Мефодие! К вам, яко чада ко отцем, светом учений и писмен ваших просвещеннии и к вере Христове наставленнии, ныне усердно прибегаем и в сокрушении сердец наших молимся. Аще бо и завет ваших, яко чада непокоривая, не соблюдохом, и о угождении Богу, якоже учисте, небрегохом, и от единомыслия и любве, юже словеном, яко братиям в вере и по плоти, добре завещаете, отпадохом: обаче, якоже древле в житии вашем неблагодарных и недостойных не отвращаете тщи, но благими за злая воздавасте, тако и ныне грешных и недостойных чад ваших молитвы не отвратите, но яко велие имущии дерзновение ко Господу, прилежно Того молите, да наставит и обратит нас на путь спасения, распри же и раздоры, посреде единоверных братии возникающия, да умирит, отпадающия паки во единомыслие приведет, и всех нас единением духа и любве во единей, святей, соборней и апостольстей Церкви соединит: вемы бо, вемы, яко много может молитва праведнича ко благосердию Владыки, аще и о грешных людех приносима бывает: не оставите убо нас, унылых и недостойных чад ваших (имена), ихже грех ради паства ваша, вами собранная, враждою разделяема и соблазны от иноверных прельщаема, умалися, овцы же ея словенския разсеяваемы от волков мысленных восхищаются: дадите нам, молитвами вашими, о православии ревность, да ею возгреваеми, отеческая предания добре сохраним, уставы и обычаи церковныя верно соблюдати потщимся, всяких лжеучений странных отбежим, и тако в житии Богоугоднем на земли преспевающе, жизни райския на небеси сподобимся, и тамо с вами вкупе Владыку всех, в Троице единаго Бога, прославим во веки веков. Аминь.
Молитва вторая
О всехвальнии равноапостольнии Мефодие и Кирилле, припадающе пред честною иконою вашею, усердно молим вы: воззрите милостивно на нас, ихже трудом вашим просветили есте, и оградите нас неусыпным предстательством вашим от злых козней вражиих! Призрите убо на виноград сей, егоже насадили есте, и не предайте дивеему вепрю озобати его. Сохраните, святии угодницы Божии, Церковь нашу Православную, юже вы наздали есте на краеугольном камени, Христе, яко да будет недвижима, но да разсыпятся о камень сей волны всякаго маловерия. Укрепите пастырей наших во всех добродетелех и в подвизе проповедания, вразумите же пасомых, во еже послушати гласа их. Сохраните вся страны словенския от всякаго оскудения, от огня и меча, от смертоносныя язвы и от всякого зла. Услышите и всякаго человека; с верою к вам приходящаго и благодатныя помощи вашея требующаго. В страшный же час смертный предстаните всем нам блазии ходатаи и темных зраков демонских прогонителие, да в мире и покаянии скончавше земное поприще, достигнем вечных благ наслаждения и купно с вами прославим Пресвятую Троицу — Отца и Сына и Святаго Духа, ныне и присно, и во веки веков. Аминь.
Азбучная молитва Константина Преславского ученика святого Мефодия
(Данная молитва была найдена среди рукописей бывшей Патриаршей библиотеки в сборнике, принадлежавшем когда-то патриарху Никону)
Аз сло́вом сим молю́ся Бо́гу:
Бо́же всея́ твари Зижди́телю,
Ви́димым и неви́димым,
Го́спода Ду́ха посли Живу́щего,
Да вдохне́т в сердце́ ми сло́во,
Еже бу́дет на успе́х всем,
Живу́щим в за́поведех Ти.
Ѕело́ бо есть свети́льник Жи́зни
Зако́н Твой, свет стезя́м,
Иже и́щет Ева́нгельска сло́ва
I про́сит да́ры Твоя́ прия́ти.
Ко креще́нию обрати́шася вси́,
Лю́дие Твои́ нарещи́ся хотя́ще,
Ми́лости Твоя́, Бо́же, про́сят зело́,
Но мне ны́не простра́нно сло́во даждь,
Отче, Сы́не и Пресвяты́й Ду́ше,
Прося́щему по́мощи от Тебе́.
Ру́ци бо свои́ выспрь возде́ю при́сно,
Си́лу прия́ти и му́дрость у Тебе́.
Ты бо дае́ши досто́йным си́лу, ипоста́сь же вся́кую цели́ши.
Упова́ние всех конце́в земли́,
Фарао́на мя зло́бы изба́ви.
Херуви́мскую ми мысль и ум даждь.
WC, Честна́я Пресвята́я Тро́ице, печа́ль мою́ на ра́дость преложи.
Целому́дренно да начну́ писа́ти
Чудеса́ Твои́ преди́вные зело́
Шестокрыла́тых си́лу восприиму́.
Ще́ствую ны́не по сле́ду Учи́телю, и́мени Его́ и де́лу после́дуя.
Явным сотворю́ Ева́нгельское сло́во, хвалу́ воздая́ Тро́ице в Божестве́,
Юже пое́т вся́кий во́зраст, юн и стар свои́м ра́зумом,
Язы́к нов, хвалу́ воздая́ при́сно Отцу́, Сы́ну и Пресвято́му Ду́ху,
Ему́же честь и держа́ва и сла́ва от всея́ тва́ри дыха́ния во вся ве́ки и наве́ки.
Ами́нь.
* * *
(Текст данной «Азбучной молитвы» взят из рукописного «Сборника слов и поучений», который датируется серединой XVII века и хранится в библиотеке Московского университета)
Аз есмь свет ми́ру,
Бог есмь пре́жде всех век,
Ве́даю всю та́йну в челов́еце и мысль,
Глаго́лю лю́дем зако́н Мой.
Добро́ есть творя́щим во́лю Мою́,
Есть гнев Мой на гре́шникы.
Живо́т дах всей тва́ри.
Ѕло есть законопресту́пником.
Ни на чем Зе́млю утверди́х,
Престо́л мой, Иже на небесе́х,
I шед на а́дова врата́ сокруши́х и ве́реи желе́зныя сломи́х.
Ка́ко лю́дие беззако́нии не сотвори́сте во́ли Моеа́,
Лю́дие Мои́ непоко́рные
Мы́слете на Мя зл́аа?!
Наш еси́ Бог и засту́пник!
Оны Моя́ призову́ язы́ки и ти́и Мя просла́вят,
Поко́й дах всей тва́ри Свое́й.
Рече́те Ми сло́во не творя́щие во́ли Моея́, и не услы́шу вас.
Сло́вом Мои́м вся́ утверд́ишася.
Тверда́ рука́ Твоя́, Влады́ко!
Фарао́на потопи́х в Чермн́ом мо́ри,
Херуви́ми слу́жат Мне́ со стра́хом,
Tве́рзу рай христиа́ном.
Ци не дах вам пи́ща в пусты́ни?
Червь и огнь угото́вах на гре́шникы —
Шу́мом и попали́т дубравы.
Щито́м вооружи́хся на брань, Го́ры взыгра́шася явле́нием Мои́м,
Ыорда́нь освяти́ся креще́нием Мои́м,
Ересь погуби́х,
Югом ве́тром разве́ю всю́ вселе́нную,
Юже Мя пророци пропове́доша и апосто́ли е́же о Мне научи́ша.
Тропарь и кондак святым Кириллу и Мефодию
Тропарь, глас 4
Яко Апостолом единонравнии и Словенских стран учителие, Кирилле и Мефодие богомудрии, Владыку всех молите, вся языки Словенския утвердите в православии и единомыслии, умирити мир и спасти души наша.
Кондак, глас 3
Священную двоицу просветителей наших почтим, Божественных писаний преложением источник богопознания нам источивших, из негоже даже до днесь неоскудно почерпающе ублажаем вас, Кирилле и Мефодие, Престолу Вышняго предстоящих и тепле молящихся о душах наших.
Подробнее на Весь Искитим: https://vesiskitim.ru/2021/02/27/192247-silnaya-molitva-svyatomu-kirillu-slovenskomu-ob-iscelenii-mudrosti-i-dlya-izbavleniya-ot-neschastij
