Мен Кыргыз жарандыгын алганмын Тажикстандан берилген айдоочулук куболукту Кыргызстандын айдоочулук куболугуно кантип алмаштырам же кайрадан окуп анан аламбы 10 жылдык айдоочулук тажрыйбам бар.
Чет мамлекеттин улуттук айдоочулук күбөлүгүн Кыргыз Республикасынын улуттук айдоочулук күбөлүгүнө алмаштыруу үчүн төмөнкү документтер берилет:
архив иши, калкты жана транспорттук каражаттарды, атайын технологиялык машиналарды, айдоочуларды, жарандык абалдын актыларын, кыймылсыз мүлккө укуктарды каттоо чөйрөсүндөгү мамлекеттик саясатты ишке ашыруу боюнча ыйгарым укуктуу орган тарабынан белгиленген формадагы арыз;
өздүгүн тастыктоочу документ, эгерде сиз жашаган жериңизде каттооңуз жана алты айдан кем эмес мөөнөткө визаңыз же жашоого уруксатыңыз болсо;
Кыргыз Республикасынын саламаттык сактоо жаатындагы ыйгарым укуктуу мамлекеттик органы бекиткен форма боюнча медициналык кароодон өткөндүгүн ырастоочу документ (наркологиялык, психикалык ден соолукту аныктоо, көздү текшерүү);
чет өлкөлүк улуттук айдоочулук күбөлүк жана чет мамлекетте берилген айдоочулук күбөлүктүн нотариалдык күбөлөндүрүлгөн котормосу;
Кыргыз Республикасынын монополияга каршы жөнгө салуу чөйрөсүндөгү ыйгарым укуктуу мамлекеттик органы менен макулдашылган белгиленген жыйымдардын төлөнгөндүгү жөнүндө квитанция (төлөм тапшырмасы).
Керектүү документтерди тапшыргандан кийин чет өлкөлүк жарандар квалификациялык сынак тапшырышат.
Спросить
